شفقة هانم ******* واحسان بيه

02 أبريل, 2011

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

اولا وحشتونى اوى اوى اوى بعد فترة غياب طويلة ان شاء الله مش هتتكرر تانى

وثانيا مبروك لينا كلنا على ثورة 25 يناير

وخاصة لشباب الثورة اللى عرفونا

يعنى ايه معنى الحرية

ثالثا بقى احسان بيه جوزى اللى كان من المناضلين

والمرابطين فى ميدان التحرير

بصراحة الراجل من شباب الثورة بس مش اللى كانت بتنادى باسقاط

النظام

لا كان مع اللى بينادوا...... باسقاط وخلع المودام

وحل المجلس النسائى الرقيق التيف .....اللى من غيره ما نعرفش نعيش

وقال ايه الاقى الراجل داخل عليا من كام يوم شعره منعكش[ندعوك للتسجيل في المنتدى أو التعريف بنفسك لمعاينة هذه الصورة]

وهدومه متبهدلة بس رايق وفايق وماسك فى ايده يافطة مكتوب فيها

" التغير التغير ولابد من الاستقلال والرحيل"

شفقة: يا لهوى ايه ده يا احسان؟؟

وهو لسه فيه مظاهرات؟؟ وبعدين خير يا حبيبى

هو انت كنت نايم الفترة اللى فاتت دى ولا ايه؟؟

ما خلاص الرئيس مشى ورحل بلا عودة

احسان:ما انا عارف ان الرئيس خلع ..

لكن انا كنت ماشى فى مظاهرة تانية من نوع خاص

بتطالب بتغير مهم وجذرى فى المجتمع[ندعوك للتسجيل في المنتدى أو التعريف بنفسك لمعاينة هذه الصورة]

شفقة:جذرى ايه يا حبيبى... انتم بتطالبوا بخلع النخل ولا ايه؟؟

احسان:لا احنا بنطالب بتغير الغيط كله علشان الارض قربت تبور

شفقة:انت بقت مهندس زراعى ولا ايه يا روحى ايه الكلام الجرار ده

احسان:"فى سره"جرار اما يدهسك ويخلصنا بقى... بقولك تغير مهم وجذرى

هيغير حياة كل راجل ويخليه فى حياة افضل

شفقة:شكلكم كده بتعملوا اعلانات لمدينة الرحاب

احسان:لا وانتى الصادقة احنا بنطالب بتغير رحاب نفسها

بنطالب بتغير المدام[ندعوك للتسجيل في المنتدى أو التعريف بنفسك لمعاينة هذه الصورة]

وكان شعار المظاهرة "لا لامنا الغولة" " ولا لحكم قراقوش"

" ولالآم اربعة واربعين اللى كابسة على انفاسنا بقالها سنين "[ندعوك للتسجيل في المنتدى أو التعريف بنفسك لمعاينة هذه الصورة]

شفقة:بقى كده يا راجل يا عميل.... يا ناكر للجميل

تمشى فى مظاهرة حمقاء بلهاء... بتطالب بتغير النساء

طيب دول قلة شوريرة مندسة مالك انت ومالها؟؟

احسان:ما انا عضو فى القلة القليلة دول وضحك

شفقة: يخونك اليخنى اللى بعمله.... ولا الجلاش الابلاكاش.... ولا التورلى المهطورلى[ندعوك للتسجيل في المنتدى أو التعريف بنفسك لمعاينة هذه الصورة]

اخس عليك يا سونسون ما كانش العشم

طيب الرجالة الوحشة دى ايه مطالبها؟؟

احسان:بصوت خشن" ان الست لو خايفة على بيتها وعايزة تلحق نفسها

قبل ما تتشرد وتتسول فى الشوارع[ندعوك للتسجيل في المنتدى أو التعريف بنفسك لمعاينة هذه الصورة]

لازم ترضى بشروطنا واهمها

1-الغاء حظر قانون الطوارئ المنزلى وانها تسيب جوزها يخرج ويدخل على

كيفه

من غير ما تسال رايح.... فين ولا جاى منين

وما جرجتش عندنا ليه...... زى نادية مصطفى[ندعوك للتسجيل في المنتدى أو التعريف بنفسك لمعاينة هذه الصورة]

وتسيبه يبرطع براحته وماتكتمش انفاسه[ندعوك للتسجيل في المنتدى أو التعريف بنفسك لمعاينة هذه الصورة]

2- تبطل تأمم كل فلوسه وتسيبله مرتبه كله يشبرق بيه نفسه ويهيص

لحد ما يتهطل من الفرحة[ندعوك للتسجيل في المنتدى أو التعريف بنفسك لمعاينة هذه الصورة]

وتدور هى على شغل تصرف منه على نفسها وعليه ان أمكن

3- رفع الرقابة من على لاب توبه والكام بتاعته

وتليفونه المحمول وتبطل تفتش فى المسجات بتاعته

وتقلب فى اسماء المزز[ندعوك للتسجيل في المنتدى أو التعريف بنفسك لمعاينة هذه الصورة]

4- تديله حريه التصرف الكامل فى كل كبيرة وصغيرة فى البيت

يعنى يقعدها يطردها يبيتها على السلم كنوع من التغير هو حر[ندعوك للتسجيل في المنتدى أو التعريف بنفسك لمعاينة هذه الصورة]

يجيب فول يجيب قلقاس تقول حاضر.. يجيب طوب تاكل وتموت وهى ساكتة

5- تسمع كلامه من غير ولا نفس ومفيش هروح عند ماما ولا بابا

لآنهم سبب البلاوى والعكننة وكمان اكتشفنا انهم عملاء[ندعوك للتسجيل في المنتدى أو التعريف بنفسك لمعاينة هذه الصورة]

وبيعملوا دسيسة ومؤامرات ضد الزوج

ودايما بيلجأوا للاجندات الخارجية والكراريس كمان

6- مفيش لا ميمى ولا ستونة ولا الدادة الرفيقة أم عطيات صاحباتى ممنوع منعا باتا

دخولهم البيت لاننا اكتشفنا انهم من المحرضين ضد الازواج[ندعوك للتسجيل في المنتدى أو التعريف بنفسك لمعاينة هذه الصورة]

7- الخروج هيبقى مرة واحد فى السنة وتكون لجنينة الحيوانات علشان العظة والعبرة

وتفتكر هى كانت ايه فى يوم من الايام[ندعوك للتسجيل في المنتدى أو التعريف بنفسك لمعاينة هذه الصورة]

او يكون الخروج للقبور كعظة لاخرتها

والجوز اللى هو احنا 6 مرات خروج فى اليوم يشم نفسه

ويشم ريحة تانية غير البصل والتوم والجنزبيل

7- القبول بزوجة اخرى وان لزم الامر وكان عينه زايغة وصايع القبول بتلاتة[ندعوك للتسجيل في المنتدى أو التعريف بنفسك لمعاينة هذه الصورة]

زى ما حكم الشرع احنا ناس بتوع ربنا امال ايه مش مسخرة يعنى

عمل دستور جديد والانتخاب يبقى ليكم مرة واحدة... وحذارى من اللى هيقول لا

الانتخاب هيبقى كل اربع شهور مش سنين

ده حتى اربعة كتير اوى تكون النفس جزعت منكم بس يلا نستحمل ونعصر كيلو ليمون

واللى مش عاجبها تلم بؤجتها

وترحل على بيت الاعداء بيت اهلها[ندعوك للتسجيل في المنتدى أو التعريف بنفسك لمعاينة هذه الصورة]

انتهى البيان والله الموفق المستعان

شفقة:بحسرة"لولولىىىىىىىى" وقال يا قاعدين يكفيكوا شر الفاسدين

"بينى وبينكم" انا كنت هنقض عليه اعضه

بس بسرعة لميت نفسى وافتكرت اننا كده ممكن نبقى فى الشارع[ندعوك للتسجيل في المنتدى أو التعريف بنفسك لمعاينة هذه الصورة]

ومانلاقيش الا ميدان التحرير

بس بصراحة انا اشفقت على الميدان هيساع مين ولا مين

وقلت ادينا قاعدين وضل راجل ولا ضل حيطة

كمان علشان الشحاتة ما تزيدش وتنتشر رحت رديت عليه بلطافة

طيب مفيش اى تفاوض يا سونسون.... او حتى قاعدة عرفيه نوصل فيها لحلول وسطيه[ندعوك للتسجيل في المنتدى أو التعريف بنفسك لمعاينة هذه الصورة]

احسان:مفيش واضربوا دماغكم فى الحيط

شفقة:بقى كده يا سونة اوكيه

افتكر انكم انتم اللى بداتوا المعركة

ويا انا يا انتم يا معشر الرجال[ندعوك للتسجيل في المنتدى أو التعريف بنفسك لمعاينة هذه الصورة]

تانى يوم عملت اجتماع نسائى على مستوى قاعدة الحارة

ولميت كل ستات المنطقة والمناطق المجاورة

واتفقنا اننا هنشن الحرب على الرجالة

وهنعمل مظاهرات نشجب ونندد فيها بعنف الرجال

واستبدادهم وديكتاتوريتهم ضد المرأة[ندعوك للتسجيل في المنتدى أو التعريف بنفسك لمعاينة هذه الصورة]

وكان رمز المظاهرة الحلة والمغرفة

و شعار مظاهرتنا "لا لاستبداد سى السيد عبد الجواد"

ولا لشهريار اللى بيتجوز فى طلعة كل نهار"

ونزلنا الشارع وقعدنا نهتف" قاعدين قاعدين ....قاعدين ومش ماشين

"على قلبكم على قلبكم ...جالكم اللى هيذلكم"[ندعوك للتسجيل في المنتدى أو التعريف بنفسك لمعاينة هذه الصورة]

وهنقعد قاعدة الحزانة.... احسن من رجالة الندامة"

"الستات الستات يا هنخلى عيشتكو هباب"

وقعدنا نهتف لحد ما صوتنا راح ونلف شوارع

يمين وشوارع شمال لحد ما سيطرنا على الموقف

ايوا موقف العباسية وابو زعبل وابو النمرس وبكده مسكنا زمام وسط البلد

بعدها الستات شالونى على كتافهم وقعدوا يهتفولى ويحيونى

وبعدها قرروا يرشحونى

لرئاسة مجلسهم وخوض المعركة وبعد كام يوم من المظاهرات

جاءت نتيجة الشراشيح قصدى الترشيح

نجاح ساحق وموافقة والجميع موافقون

احسان: ايه اليفط اللى مالية الشارع دى؟؟

هو فى حد رشح نفسه فى المنطقة ولا ايه؟؟

بس اظاهر انه جامد اوى شكله جالكم اللى هيلمكن

شفقة: امال يا حبيبى بس هو مش هيلمكن لا هيلمكم....تفرق

وكمان رمز الحلة طقم حلل بحاله والمونيوم كمان مش تيفال

حاجة صلبة ومتينة[ندعوك للتسجيل في المنتدى أو التعريف بنفسك لمعاينة هذه الصورة]

احسان: ويا ترى هو مين؟؟

شفقة:قصدك هى مين؟؟

احسان:هى؟؟ نعم هى ست؟؟

شفقة:ومش اى ست دى ست الستات يا مصرية[ندعوك للتسجيل في المنتدى أو التعريف بنفسك لمعاينة هذه الصورة]

شفقة مراتك حبيبتك.... ديا يا عينيا

مش تباركلى مش انا رشحت نفسى للحزب وكسبت وبفوز ساحق

احسان: ساحق انتى مسحوق معلش...حزب ايه يا وليه[ندعوك للتسجيل في المنتدى أو التعريف بنفسك لمعاينة هذه الصورة]

ده على حزب وداد جلبى يا بوى

شفقة: بتهزر ساعتك

لا يا حياتى انا بقيت عضوة فى مجلس الشعب وليا كرسى

احسان:يا نهار منيل بنيلة مية كرسى على نفوخك وطرابيزة كمان

بقى اطالب بتغيرك من البيت تقومى ترشحى نفسك وتبلى المنطقة كلها

والعدوة تنتشــــــــــــــــر وتتســـــــرب وتتـــــــــوغل

شفقة: لا ومش كده وبس

ده انا هرشــــــــح نفسى كمان لكرسى الريــــــــــاسة

[ندعوك للتسجيل في المنتدى أو التعريف بنفسك لمعاينة هذه الصورة]

واللى هيفتح بقه بكلمة[ندعوك للتسجيل في المنتدى أو التعريف بنفسك لمعاينة هذه الصورة]

هخلى الستات تعتقله واللى مش عاجبه

ياخد اول طيارة على شرم الشيخ

وقال عايز اطرد مرأتى بــــــــــــره.... جابت هى الكرسى وبقت ضـــــــــــــــــــرة

وعجبــــــــــــــــــــــــــــــــــــى

شفقـــــــــــــــــــــة

[ندعوك للتسجيل في المنتدى أو التعريف بنفسك لمعاينة هذا الرابط]

سونة : ايه يا شفقة الشمع و البلالين دى كلها

انتى ناويه تلمى عيال الشارع وتلعبى معاهم؟؟
ولا عندك سبوع؟؟ ولا انتى اتهطلطى يا روحى ولا ايه؟؟[ندعوك للتسجيل في المنتدى أو التعريف بنفسك لمعاينة هذه الصورة] شفقة: بقى كده برضوا يا سونة ...بقى انا مهطولة ؟
شايفنى باكل كمامى وبعض فى الحاف.... قال وايه انا اللى كنت عملالك مفاجعة
سونة: لا العفو ده انا اللى باكل مشابك الغسيل
وحياتك بلاش انتى ومفاجعاتك اللى تودى فى داهية دى
الواحد مش ناقص مصايب
مش كفاية انتى يا شفقة عليا
مصيبتين فى الراس توجع... وانا راسى اتفتحت مش اتوجعت

[ندعوك للتسجيل في المنتدى أو التعريف بنفسك لمعاينة هذه الصورة]

شفقة: يا سيدى مش انا اللى عملالك المفاجاة
دى ماموه .....مامتى حبيبتى ....قرة عينى
سونة:خير اللهم اجعله خير
انتى بقيتى بنت ابو لهب ولا ايه ؟؟
ربنا يجعل كلامنا خفيف على حماتى قنبلة حياتى

[ندعوك للتسجيل في المنتدى أو التعريف بنفسك لمعاينة هذه الصورة] يا ترى الحاج طردها من البيت.... وجاية تقضى معانا الويك اند

ما انتم اصلكم عيلة تغم وتسد النفس
شفقة: ايه ده اتطردت ايه وبتاع ايه !
وهو حد يقدر دى اليدر يا ابنى اللى مزبط ومربط البيت
وبعدين لما احنا نسد النفس ...امال مين يفتحها ؟؟
سونة: ده على اساس انكم مخلل صح
شفقة: بطل بقى تهريج ....يا ابنى انت ناسى ولا ايه عيد ميلادك بكرة
كل سنة وانت طيب

[ندعوك للتسجيل في المنتدى أو التعريف بنفسك لمعاينة هذه الصورة]

وانا بقى بالمناسبة دى عزمت كل العيلة علشان يحتفلوا بيك
ونهف التورتة سوا
ونقول يلا حالا بالا بالا حيوا ابو الفساد ......ها
سونة:كنت زمان ابو الفصاد اما على ايدك بقيت فساد
وبعدين يحتفلوا بيا ولا يقضوا عليا
دول تتار يا امى وهيجوا يعملوا هجوم على البيت

[ندعوك للتسجيل في المنتدى أو التعريف بنفسك لمعاينة هذه الصورة]
شفقة: بقولك ايه كفاية هزار بقى
ويلا استعد علشان بعت اشتريت شوية حاجات صغننة كده وزمانها هتوصل
سونة: يـــــــــــا خراب بيتى المستعجل
جبتى ايه يا جلابة الهنا ......يا وش السعد [ندعوك للتسجيل في المنتدى أو التعريف بنفسك لمعاينة هذه الصورة]
شفقة: ابدا تورتة 3 ادوار.... ويجى عشرة كيلو حلويات شرقية
و6 دسة جاتوه و5 كيلو ساليزون
على كام كيلو كرواسون ....على 3 كراتين بيبسى كانز
يعنى مش كتير بس تفتكر يقضوا ولا نطلب تانى؟؟
سونة: نطلب الاسعاف او بوليس المطافى
قال يقضوا قال دول مش هيقضوا دول هيقضوا عليا يا شفقة
ومش هيبقى عيد ميلادى
لا دى هيبقى يوم الذكرى السنوى بتاعتى
حرام عليكى يا شيخة كل دى حاجات
وكمان تورتة 3 ادوار[ندعوك للتسجيل في المنتدى أو التعريف بنفسك لمعاينة هذه الصورة]
ليه يا امى وهو فرح ؟؟
ده انا لو فكرت اتجوز تانى ......مش هدفع المصاريف دى كلها![ندعوك للتسجيل في المنتدى أو التعريف بنفسك لمعاينة هذه الصورة]
خربتى بيتى يا شفقة ....... اشوف فيكى يوم يا مفترية
شفقة: يا شيخ بدل ما تقولى كتر خيرك انك بتهتمى بيا
وبتفتكرى عيد ميلادى ....حاجة تعل
سونة: الهى يجيلك زهيمر يا شفقة ليوم القيامة
اذا كانت الذاكرة هتعمل فى جيبى كده وهتخرب بيتى[ندعوك للتسجيل في المنتدى أو التعريف بنفسك لمعاينة هذه الصورة]اما الحق اروح بقى الشغل ااقدم على سلفة لعشر سنين قدام
وجاء اليوم التالى والتتار ......وصلوا وعملوا هجوم على البيت
ماما :كل سنة وانت طيب يا حبيبى عقبال مليون سنة
سونة: وانتى طيبة يا حماتى .....بس بلاش حكاية مليون دى لتستجاب
وهو انا عارف اعمر سنة مع بنتك.... لما تدعيلى بمليون
دانا كبيرى كام شهر وشوية كسور
ماما:" ههههههههههههه ....يوه جتك ايه دمك خفيف
ده انا بنتى تخلى العجوز..... يرجع صبى
سونة: صبى قهوجى وانتى الصادقة
امال الواحد شعره ابيض وطقطق من ايه؟؟
دانا قربت اصلع يا حماتى وازرع شعر .......دى توكسفين كله دمار شامل [ندعوك للتسجيل في المنتدى أو التعريف بنفسك لمعاينة هذه الصورة]شفقة: بقى كده ...طيب مش هوريك هديتى
ده انا جايبالك ترننج وكوتشى بعينك
خلاص يا ماموه ....اوعى تقوليله على المفاجاة اللى انتى كمان محضراها
ده ما يستاهلش
سونة: مفاجأت تانى ؟؟
ابوس ايدك...... ده الشركة اعلنت افلاسها.... هروح لمين تانى
ماما: هههههههههههه عموما كل سنة وانت طيب
وانا بقى بالمناسبة دى حجزتلكم يومين فى اسكندرية
ده كادو عيد ميلادك ....روحوا اتفسحوا وقضوا يومين
واعملوا شهر عسل من تانى[ندعوك للتسجيل في المنتدى أو التعريف بنفسك لمعاينة هذه الصورة]
سونة:عسل!! وهو ما بيخلصش فى العيلة دى ولا ايه؟؟
ده انتم على كده ......عايزين بلاليص مش اجواز
عموما متشكر يا حماتى ......وكل سنة وانتى طيبة
وتانى يوم لمينا البؤج وشدينا الرحيل وسافرنا اسكندرية
ويا على هواء اسكندرية.... وبحر اسكندرية ...وشط اسكندرية
شفقة: يلا يا سونة عايزة انزل البحر احنا هنفضل قاعدين كده؟؟

[ندعوك للتسجيل في المنتدى أو التعريف بنفسك لمعاينة هذه الصورة]انا جاية استجم......... واشم هواء ... والعب بالودع
سونة: جاية تستحمى طيب..... ما الحمام قدامك اهو
خشى خدى دش لحسن ريحتك ...قلبت البحر يا شفقة والودع استخبىء
شفقة: يلا بقى بطل رخامة ........انا عايزة انزل البحر
سونة: وانا حايشك ما تنزلى............"فى سره" الهى ياخدك البحر وما يرجعك تانى
شفقة: يلا بقى ماليش دعوة عايزة انزل البحر ...اها اها
سونة:امرى الى الله بس يارب دعوتى تستجاب المرة دى
شفقة:ايه يا سونة احنا جايين على البحرعلشان تنام مش مكفيك النوم فى مصر
كمان جاية تنام فى اسكندرية[ندعوك للتسجيل في المنتدى أو التعريف بنفسك لمعاينة هذه الصورة]
احنا مش فى البيت هنا..... احنا على البحر...... يعنى شوية شعر....شوية هيام....شوية رومانسية [ندعوك للتسجيل في المنتدى أو التعريف بنفسك لمعاينة هذه الصورة]
سونة: شعرية........ وملوخية انتى جوعتى ؟؟
شفقة: يووووووووووووووه بقولك ايه انت زهقتنى... هات لى ايس كريم
علشان حرانة ....وسودانى ....وكاجو ....ولب..... وام الخولول علشان تحرم تتريق
سونة: ما اجبلك خولول شخصيا تطلعى عينه حبة زى ما طلعتى عينى
حاضر يا ستى هجبلك بس يارب نخلصويا ام الخلول
الهى تقف فى زورك
كمان انا جوعت وعايزة اتغدى سمك مشوى وجمبرى
وبكلاويظ وشوربة سى فود اه مش احنا فى اسكندرية يبقى سمك
سونة:ما تيجى تاكلينى اوفر
شفقة:" فى سرى"يا عينى يا سونة هتدفع دم قلبك
عموما مش مهم فدايا وهو انا بتفسح كل يوم
بقولك ايه بعد الغدا عايز اخرج اتفسح وعايزة اروح سان استفانو
عايز اتفرج على شوية حاجات
سونة: سان استيفانو ومالها زنقة الستات يا خراب بيتك يا احسان
شفقة: شايف الحاجة حلوة ازاى وبتبرق وبتلمع وجميلة اد ايه؟؟
سونة: اه من ناحية شايف فانا شايف ايه الجمال ده ... ايه الحلاوة دى كلها؟؟
سيدى يا سيدى على الستات ايه الحلاوة دى ايه الطعامة دى
ليت التلاتينات تعودوا يوما ...علشان ارمى القديمة اللى جنبى
واغير بقى بحاجة تفتح النفس ...اخ
الواحد اظاهر بقاله كتير مش متابع اخبار المزز
وخاصة المزز البحرى.... حاجة تفتح النفس
وترجع الشباب مش زى القبلى اللى جنبى
هى دى هدايا عيد الميلاد والا فلا
شفقة: ايه يا سى احسان مال راسك ملوحة ليه؟؟
خليك معايا هنا بدل ما تروح من غيرها
وترجع من غير رقبة ولا عين.[ندعوك للتسجيل في المنتدى أو التعريف بنفسك لمعاينة هذه الصورة] ايوا كده شاطر يا روحى
بقولك ايه.... ايه رايك فى الفستان الجميل ده؟؟
انا ماليش دعوة انا عايزاه يا سونة
سونة: ها .....الفستان ولا صاحبة الفستان؟؟
شفقة: ها بتقول ايه ؟؟
انت مركز فى ايه بالظبط؟؟
يلا عايزة الفستان [ندعوك للتسجيل في المنتدى أو التعريف بنفسك لمعاينة هذه الصورة]
سونة: حاضر....... حاضر
شفقة: ياخرابى على الجمال ......ايه الشوز الفظيع ده؟؟ [ندعوك للتسجيل في المنتدى أو التعريف بنفسك لمعاينة هذه الصورة]
انا ماليش دعوة انا عايزة من ده ده يهبل...انا عايزة من ده يا حزومبل انا عايزة من ده
سونة: طيب خلى حزومبل يشتريهولك ...اما زومبل فخلاص اعلن افلاسه
شفقة: يا لهوى... يا هوسى.... ايه الشميز والترننج الخطير ده ؟
انا اتهوست....واتجننت ماليش دعوة عايزاهم
سونة: ده انا اللى ماليش دعوة .....اتخرب بيتى يا شفقة.... خفى
شفقة: اففففففففففففففففففففف ايه الكوتشى الرائع ده لا ....لا
انا مش قادرة انا عايزة من ده
سونة: ياخرابى يا خراب جيبى ....هنشحت يا شفقة
وهنرجع من اسكندرية للقاهرة مشى وزحفا على الاقدام
يا مفترية بقى تجبيلى هدية ب200 جنية تاخديها بعدها بيوم 1200 ده ولا البنوك تعمل كده
ربنا يسامحك يا حماتى .....انتى وبنتك هتكونوا سبب هلاكى
شفقة: سونة ايه يا روحى .....مش هنسافر بقى ولا ايه ؟؟
سونة:اه طبعا امال لازم هنسافر بس لما تقولى لامك تبعتلنا حق تذاكر السفر

[ندعوك للتسجيل في المنتدى أو التعريف بنفسك لمعاينة هذه الصورة]

وحسبى الله ونعم الوكيل فيكى يا شفقة
اشوف فيكى يوم ..... ما تطلعلوش شمس
شفقـــــــــــــــة

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط] انساتى وسيداتى الحلوات والجميلات المقطقطات وحشتونى اوى اوى
بحيكم من ادام شاشة الكمبيوتر بعد غياب طال اكتر من شهر ونص
سامحونى اصلى كنت من السيدات اللى طالع عينهم فى رمضان فطار وسحور وموائد الراحمن
لما ورمت ونفوخى طار
المهم انى يا دوب بدات اخد ويك اند.... واشم نفسى لقيت تليفون من انوسة حبيبة قلبى من جوه
واليكم ما حدث
انوسة: بت يا شفقة استعدى انا جاى اعمل هجوم على القاهرة

[ندعوك للتسجيل في المنتدى أو التعريف بنفسك لمعاينة هذه الصورة]

شفقة: ايه ....هجوم ايه يا انوسة ؟؟ ناوية تسرقى بنك ولا ايه؟ طب بالنص والا هبلغ عنك
انوسة: ايه اللى بتقوليه ده ؟؟بقولك هاجى القاهرة ...اقيموا انالاحتفالات ودقوا الطبول
ا نا جاية علشان عندى مفاجاة
شفقة: اشجينى شكلك جاية تقتلى جوزى ....وهو فيه مفاجاة احلى من كده
دانا ساعتها مش هدق الطبول
لا هدق كفتة واوزعها على الغلابة ندر
انوسة: ااقتل جوزك ايه يا هبلة انتى هتودينى فى داهية
اقفلى يا بت السكة .....اقفلى
شفقة : طيب خلاص قولى احبطتينى ايه هى المفاجعة ؟؟
انوسة: اختك كلموها من التليفزيون وعندها تصوير
شفقة: تصوير! ايه ده يا انوسة بقى يوم ما تشتغلى تدورى بكاميرا فى التليفزيون زى المصوراتى
حد عايز كارت صورة يا بيه ....صورة يا هانم ...وتعملى زى اضحك الصورة تطلع هطلة
لا لا مش مقامك يا انوس
[ندعوك للتسجيل في المنتدى أو التعريف بنفسك لمعاينة هذه الصورة]
انوسة: بقولك ايه انتى هتجنينينى... دول كلمونى علشان اصور انا وسارة طوبار
صاحبة مدونة محاولات البحث عنى هنصور فى برنامج ثقافية كافية
شفقة: محاولات البحث عنى ليه هى كانت تايها ولا ايه ؟؟
عموما هستناكى بعد ما تدوروا عليها وتلاقوها بس ابقوا هاتوا منادى على توتوك كويس
انوسة :ااقفلى يا بت انا قطعتى علاقتى بيكى انتى وجوزك
وجاء اليوم الموعود وما نفذتش ايناس تهديدها ومقطعتش علاقتها بينا
لانها كانت فى احتياج للعصابة بتاعتنا انا واحسان

[ندعوك للتسجيل في المنتدى أو التعريف بنفسك لمعاينة هذه الصورة]

وكله هيتضح لحضرتكم بعد كده وجت انوسة الننوسة واختها نسمة العسولة الى ارض الوطن
واتقابلنا واحسان كالعادة كان جعان وعمال يتحايل على ايناس ناكل
تقول ابدا مش هأكل الا لما اصور مش هتبهدل ولا همسح الروج ابدا
ولا هبهدل اناقتى وشياكتى
واحسان يتحايل وانا اتحايل وهى على كلمة واحدة "مش هاكل يا سونة مش هاكل يا سونة "
بينى وبينكم الراجل كان هيقع منى
ده نازل من البيت على فرخة... وحلة مكرونة ....ولتر بيبسى
مش حاجة يعنى " طيب ما كان جه كلنا احسن"
وجاء موعد التصوير راح احسان قالى نوصل البت الخنيقة دى لحد الاستوديو اللى فى المقطم
ويمكن السلعوة تاكلها وتريحنا وبعدين نروح نشوفلنا خروف ندفن نفسنا ....فيه انا وانت يا جميل
وقد كان
طلعنا المقطم ووصلناها وهناك وعند ميعاد التصوير
لقينا ايناس بترتعش .....وجالها حمى وسخونة
قلتلها انوسة حبيبتى مالك مرتبكة ليه؟؟
الحالة جت ولا ايه باينننا هنعمل زى فيلم عنتر بن شداد " هات العطر يا ولا"
انوسة شدى حيلك وفوقى ولا يهمك... اديهم على نفوخهم
بقى مذيعة مش هتعرفى تلميها ...ده انتى لامة البلد كلها
ومبهدلانا فى مدونتك.... ومبهدلة الوطن.... وقريب هتتمسكى
اجمدى يا هبلة وارفعى مناخيرنا لفوق
وبعد ما شمت نفسها افتكرت ان سارة وجوزها القهوجى لسه موصولوش
وان ميعاد التصوير قرب ولازم يكونوا سوا..... قعدت تقول اعمل ايه انا دلوقتى
"كده فرصة احترافى هتضيع"
شفقة :ايه يا بنتى ده انتى هتصورى فى ثقافية كافية..... ولا فى برنامج الكورة فى الملعب ؟؟
انوسة :اصلى وعدت اصحابى انى لو نجحت واشتهرت ....هعمل بطولة اول فيلم استعراضى غنائى راقص
وهسميه" ثقافية كافية وانا فى الاوكية" وهيكون اخراج جاد شويرى
وقعدت تعيط وتنعى حظها بسبب تاخير سارة
انا قعدت اهديها ..عموما استنى شوية... تلاقى سارة بتشطب الكوبايات والصوانى وبتلم حق نصبة الشاى والقهوة بتاعة امجد
ما انتى عارفة انها بتساعده بعد الضهر علشان يعرفوا يتجوزوا
ما انا كنت بعمل كده مع سونة كان سواق على ميكروباص وكنت انا التباع بتاعه
وهو ينفع جواز من غير الكفاح
شوية ووصلت العروسة الجميلة سارة وجوزها امجد القهوجى
شفقة:مالك يا سورسارة خدى نفسك
سارة: اصلى تعبت اوى النهاردة فى القهوة ويادوبك خلصت... وسيقت وروحت خدت شاور علشان اطلع زى القمر وجيت
شفقة: سارة جبتى باكوين شاى وسكر للبوفيه
سارة: لا ...ليه يا شفقة هما معندهمش بطاقة تموين ولا ايه ؟؟

لا يا خايبة ما انتم لازم تظبطوا المذيعة علشان تظبطكم... والا هتتهروا اسئلة
سارة :تصدقى معاكى حق يا شفقتى... لو الواحد يعرف كان جاب معاه التموين وهو جاى
انوسة : ايه ده ان شاء الله انتم لسه هتكلموا وتلوكوا مع بعض
يلى يا ست سارة بينادوا على اسمك ....ساقطة وقعدت تتريق
واول ما وصلوا عند الاستوديو انوسة كان هيغمى عليها
ونفسها مرة واحدة اتقطع وقعدنا نشممها فى بصل وكرفس
لما روحنا طلعت.... وشوية شوية كنا هنطلب 55 اسعاف... يجوا يرفعوا الجثة
شفقة: شدى حيلك يا انوسة ما تخافيش
نحن السابقون وانتم الاحقون..... وحـــــــــدوه
ودخلت ايناس وسارة الاستوديو بعد ما المذيعة قعدت تتحايل عليهم وتترجاهم
علشان مستقبلها ما يضيعش
وبعد الشحتفة والعياط

[ندعوك للتسجيل في المنتدى أو التعريف بنفسك لمعاينة هذه الصورة]

وافقت ايناس وسارة انهم يسجلوا فى البرنامج بشرط
انهم يدفعولهم بدل ....."استغلال ثقافى "
وخدت ايناس وسارة على قلبهم اد كده
بس ما تفهموش غلط ما خدوش فلوس ......لا خدوا اسئلة لما قالوا يا بس
البت سارة كلت الجو.... وقعدت تزق فى ايناس وتقرص فيها وكل شوية.... تبصلها وتلعب لها حواجبها
لحد ما ايناس ارتبكت وما بقيتش مركزة..... واستحلفتلها انها لما هتخرج هتوريها وهتبلغ بتوع التموين
يقفلولها القهوة لكن ما انقذهاش من الحوسة
الا اتصال عبد الحميد افندى ....وروضة هانم السلحدار.... والملك طلال ....والشاعر الهمام امجد
كلمتين حلوين... على حبة مكسرات على مدح فى الزهرتين المنورين
و خلصت الحلقة بعد ما ضرسولنا سنانه من المكسرات لكن الحق
كلنا صقفنلهم ورفعنلهم القبعة
وخاصة للبت المضروبة ايناس اللى بتقول كلام زى الفل....... بتاعة مصر دى

[ندعوك للتسجيل في المنتدى أو التعريف بنفسك لمعاينة هذه الصورة]

لا بجد وطنية ....وطنية يا انوسة
بذمتك بقى الوطنية ولا الكوسة؟؟
والعقل والرزانة ولا مخ المهوسة؟؟ مين يكسب فى البلد دى يا فيلسوفة؟؟
بعدها اتفاجانا بانه عيد ميلاد ست البنات العروسة الشربات
اللى متجوزة شاعر الاتوبيسات ...."سارة حبيبة قلبى"
هنعمل ايه ...ايه ...ايه ؟
فجاة لقيت انوسة بتتفق مع احسان وبيكونوا عصابة هى واحسان ونسمة
وبيفكروا انهم يعملولها عيد ميلادها فى مركب
وده كان مخطط انوسة علشان تفش غلها فى سارة

[ندعوك للتسجيل في المنتدى أو التعريف بنفسك لمعاينة هذه الصورة]

واقترحت اننا كل واحد منا ياخد معاه بدلة غطس .....وعوامة انقاذ اشترتهم على حسابها
[ندعوك للتسجيل في المنتدى أو التعريف بنفسك لمعاينة هذه الصورة]هما والتورتة اللى كانت غامقة علشان محشية ديناميت
علشان بعد ما هيطفوا الشمع.... ايناس هتعد لتلاتة وبعدها هتتنفجر المركب
وتغرق سارة وامجد وتعملهم زى عروسة النيل
وقالت مقولتها الشهيرة "علشان تبقى تاكل الجو منى وتقول للمذيعة مدونتى اسمها محاولات البحث عنى
" طيب اهو انا هخليهم يبحثوا عنك فى مياة النيل الضحلة مع السمك"
واصبحت نهر الحب نهر الانفجار والتدمير[ندعوك للتسجيل في المنتدى أو التعريف بنفسك لمعاينة هذه الصورة]
ولكن للاسف بعد ما ركبنا المركب ونفسنا اتقطع فى نفخ البلالين وخاصة نسمة
يا دوبك جينا نولع الشمع..... ما لقناش معانا كبريت وفشلت الخطة الشوريرة
وفضلت ايناس تعض فى صوابعها لحد ما دخلت على العقلة نفسها
ولما لقيت مفيش فايدة راحت قعدت على اول المركب... وقعدت تهز فيها قال يعنى يمكن تغرقنا
وبرضوا ولانها سوفيفة.... باءت محاولاتها بالفشل
واستسلمت للأمر الواقع..... ساعتها قالت بس مفيش الا انه احسان يغنى
وطبعا كله الا سونة..... كروان مغرد...... بلبل صداع
[ندعوك للتسجيل في المنتدى أو التعريف بنفسك لمعاينة هذه الصورة] ااقصد صداح .....قالت يمكن يغنى الراقدون تحت النيل
ومع الصوت الجميل يمكن ينتحروا ونفوز احنا بالهدايا
لكن ابدا وكأن سارة وامجد
معملوهم حجاب عند عم سرداب.... بتاع الاعمال الهباب... اللى بيخلى العايقة تلبس النقاب
احسان بقى ايه قال ابدا بوتيتا مش هوافق على افكارك الشوريرة يا ايناس
انا مش عايز اتحبس واروح اللومان.... خلينى جنب مراتى غلبان فقير جعان حيران
ومرضيش ابدا يشترك فى الخطة
ربنا يخلهولى عاقل..... عاقل ما بيحبش اللومان لكن بيحب الدمار الشامل اللى هو انا
ايناس اتغاظت محدش عايز ينفذ اى خطة
تلف شمال ....تدور فى المركب.... ولا احنا هنا
وقعدنا نغنى ....وامجد يقول شعر
شوية يبص لاحسان ويقول شعر رثاء
وشوية شعر فى الاتوبيسات شكله معجب بيها
اوى وسارة.... تقوله خليك كده متحبش فيا
وفرحان بالاتوبيسات بتاعتك اوى يا خويا
وخاصة بيموت فى خط الكيت كات..... فيصل
[ندعوك للتسجيل في المنتدى أو التعريف بنفسك لمعاينة هذه الصورة]
وفضلنا كده ساعة .....شوية رثاء ....وحبة هجاء
لحد ما ايناس طقت....واخر لما غلبت طلعته على عين المراكبى
بما ان خطتها فشلت مع الراكبين ....قالت تطلعه فى المراكبى وتاخد حقها ضرب وتلطيش فيه
الهوبة جت وعايزة تهدأ ونسمة تهديها وتطبطب عليها مفيش فايدة ... مهوسة
" ساعة تروح وساعة تيجى"
احسان قعد يحوشها ويقولها علشان خاطرى سيبيه ....هنتحبسى وهتلزق فينا وافانا هيتهرى ضرب
وهى ابدا لحد ما الراجل خلص فى ايديها ......وما انقذهوش الا امجد
وبعدها مشينا ومن كتر الغيظ والغل...... رجليها فضلت تورم..... وتورم لحد ما بقت اد رجل الفيل

[ندعوك للتسجيل في المنتدى أو التعريف بنفسك لمعاينة هذه الصورة]

وساعتها اعترفت بغلطها لرحيل..... وطلبت منها السماح
واترجت الناس الملاح اللى هو احنا اننا نعفو عنها
وبعد ما سامحناها جريت على البيت
خدت شنطها.....وشيلتهم للبت نسمة
وراحت راكبة اول سوبر جيت هى واختها
وعلى بلدهم عدل
توصلى بالسلامة يا انوسة
بالرغم من خططك الشوريرة المريرة ....الا انى بموت فيكى وبحبك جدا
انتى وسارة ونسمة
ربنا يوفقك وتلاقى المخرج اللى يخرجلك الفيلم
وتبقى بطلة اد الدنيا زى ما بتحلمى ....بس ساعتها هبقى اخد منك حق تذكرة السينما
علشان اخواتك شحاتين وفقرانين

شفقـــــــــــــــة

ههههههههههههههههههههه جامده اوي اوي
عجبتني تاني مقطع حالا بالا ده تحفه
ههههههههههههههههههههههه

كيف يمارس الرجل الرياضة على شاطئ البحر ؟
ج* يشفط كرشه كلما مرت امامه فتاة بالمايوه !

س* كيف يعتبر الرجل نفسه متعاونا في الاعمال المنزلية ؟
ج* بان يرفع رجليه من على الارض لتكنس الزوجة تحتهما !

س* كيف يفهم الزوج تقسيم المهام مناصفة في اعمال المنزل ؟
ج* الزوجة تطبخ وهو ياكل , الزوجة تكوي الملابس وهو يوسخها ، هيا تنظف البيت وهو يوسخه

س* ما هي الحالة الوحيدة التي يطلب الرجل فيها من زوجته تناول العشاء في ضوء الشموع ؟
ج* لما الكهربا تنقطع!!!

س* كيف يمكنك التمييز بين هدايا الزوج الودية , وهداياه لما يكون عامل مصيبة ؟
ج* الهدايا تكون احلى بالحالة الثانية !

س* ما وجه الشبه بين الرجال والطقس ؟
ج* لانستطيع تغيير اي منهما للافضل ..

س* ماذا يحدث عندما يغطي الرجل صلعته ببعض الشعيرات الطويلة التي يسرحها بالعرض ؟
ج* تظهر الحقيقة ناصعة لامعة مع اول هرشة !

س* ما هو الرقم الذي يتذكره الزوج بدقة عندما يذهب لشاطئ البحر مع زوجته ؟
ج* كم وحدة على الشاطيء لابسة مايوه!!

[ندعوك للتسجيل في المنتدى أو التعريف بنفسك لمعاينة هذا الرابط]

زهور جامد جدى التوبيك ده
زى ما احمد مكى بيقول
احنا عايزين نعمل زى شفقه هانم دى
دى ست شاطره خالص
لا وايه بتعرف تاخد حقها
تالت ومتلت
يا بختها.
والله يكون فى عون احسان ده
بجد صعب عليا
شكرا على الموضوع الجامد ده

هما هيقولو احنا هنقول مش هنسكت
ولا ايه
ايون لازم تاخدي حقك تلت ومتلت
اوعي تسيبي حقك انا زيها كده والله
هههههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذا الرابط]