مالك يا قلم ؟

[ندعوك للتسجيل في المنتدى أو التعريف بنفسك لمعاينة هذا الرابط]

مالك يا قلم؟!
بتتكعبل فوق السطور
مش قادر تثور
تاه منك كلامك
ولا خايف يفلت زمامك
وأعصابك تفلت تثور
وتدوس وأنت ماشى ع الحروف
وتروح ضحية للظروف
بتبكى ما حد سامع شكوتك
ما حد قارى كلمتك
خايف تموت بحسرتك
بتهرب بعيد زى النسور
يا ما كنت شجاع جسور
جناحك بيحمى إللى انظلم
مالك يا قلم؟!
ماشى فوق السطور زى الكفيف
ولا َّ مربوط بحبال اليأس تكتيف
ولا َّ حروفك غرقت ف بحر الهم
مش لاقيه مجاديف
ولا َّ خايف النص يتقص
ويتمسح بفرشة التحريف
مالك يا قلم؟!
[ندعوك للتسجيل في المنتدى أو التعريف بنفسك لمعاينة هذا الرابط]